کرسمس تقریب میں بھگدڑ مچ گئی،4بچوں سمیت10افراد ہلاک

ابوجا(مانیٹرنگ ڈیسک) نائیجریا میں کرسمس تقریب کے دوران بھگدڑ مچنے سے 10افراد ہلاک ہو گئے۔میڈیا رپورٹس کے مطابق دارالحکومت ابوجا کے ضلع میتاما میں ہولی ٹرنیٹی کیتھولک چرچ کی جانب سے تقریب منعقد کی گئی جس میں تحائف وصولی کے دوران بھگدڑ مچ گئی ۔رپورٹس میں بتایا گیا کہ بھگدڑ مچنے سے 4بچوں سمیت 10افراد ہلاک جبکہ متعدد زخمی ہوگئے۔یاد رہے کہ گزشتہ روز نائیجیریا کی جنوب مغربی ریاست اویو کے ایک اسلامی ہائی سکول میں میلے کے دوران بھگدڑ مچنے سے 35 بچے جاں بحق اور چھ زخمی ہوگئے تھے۔