اینٹی بائیو ٹکس کے غیر ضروری استعمال سے اموات میں اضافہ

لاہور ( بیو رو چیف )پاکستان میں اینٹی بائیوٹکس کا غیر ضروری اور غلط استعمال سالانہ لاکھوں مریضوں کی اموات کا سبب بن رہا ہے۔ عالمی ادارہ صحت کے مطابق ملک میں دوائوں کے غیر ضروری اور غلط استعمال سے سالانہ 2 سے 3 لاکھ افراد جاں بحق ہو جاتے ہیں۔طبی ماہرین کا کہنا ہے کہ اینٹی مائیکروبیل ریزسٹنس (اے ایم آر)اس وقت پیدا ہوتی ہے جب بیکٹیریا، وائرس، فنگس یا پیراسائٹس وقت کے ساتھ دواں کے خلاف مزاحم یا طاقت ور ہو جاتے ہیں، جس سے عام علاج بے اثر ہو جاتا ہے۔پاکستان میں اینٹی مائیکروبیل ریزسٹنس کا خطرہ زیادہ ہے، کیوں کہ یہاں دوائیں بغیر ڈاکٹری نسخے کے لینا، اور ادویات کا نامکمل یا غیر ضروری استعمال عام ہے۔ جب کہ اسپتالوں میں ناقص انفیکشن کنٹرول، لائیو اسٹاک اور پولٹری میں زائد اینٹی بائیوٹک، اور کمزور نگرانی و رپورٹنگ سسٹمز موجود ہیں۔ طبی ماہرین کے مطابق بڑے اسپتالوں میں آئی سی یو کے 40 سے 70 فی صد مریض ایسے انفیکشنز کا شکار ہیں۔ڈرگ ریگولیٹری اتھارٹی آف پاکستان کے اعداد و شمار کے مطابق پاکستان میں سالانہ تقریبا 126 ارب روپے کی اینٹی بائیوٹکس استعمال کی جاتی ہیں۔ اس صورت حال میں ماہرین دواں کے غیر ضروری اور غلط استعمال کو روکنے کے لیے سخت قوانین کے نفاذ اور عوام میں آگاہی پر زور دیتے ہیں۔ندیم جعفر نجی ٹی وی سے وابستہ ایک ممتاز صحافی ہیں جو کہ مختلف سماجی اور سیاسی موضوعات پر رپورٹنگ کرتے ہیں۔ ندیم کراچی یونیورسٹی سے ماس کمیونیکیشن میں ماسٹر کی ڈگری اور آسٹریلیا کے ایک باوقار ادارے سے ایڈوانس سرٹیفیکیشن کے حامل ہیں۔