F-16طیاروں کی اپ گریڈیشن،686ملین ڈالر کا امریکی پیکج منظور

اسلام آباد (بیوروچیف) پاکستان کی دفاعی صلاحیت میں بڑا اضافہ متوقع ہے کیونکہ امریکا نے پاکستان کے ایف-16 جنگی طیاروں کے لیے 686ملین ڈالر کے اپ گریڈ پیکج کی منظوری دے دی ہے، اس فیصلے کو پاکستان ائیر فورس (PAF) کے لیے ایک اہم اسٹریٹجک بوسٹ قرار دیا جا رہا ہے یہ اعلان Defense Security Cooperation Agency (DSCA) کی جانب سے 8 دسمبر2025ء کو کانگریس کو بھیجے گئے خط کے ذریعے کیا گیا۔دفاعی ذرائع کے مطابق اس اپ گریڈ پیکج کے تحت ایف-16 طیاروں کی الیکٹرانکس، ریڈار، کمیونیکیشن سسٹمز اور لاجسٹک سپورٹ کو جدید بنایا جائے گا جس سے طیاروں کی آپریشنل صلاحیت اور عمر میں نمایاں اضافہ ہوگا۔اپ گریڈ پیکج میں لنک 16 ڈیٹا سسٹمز ، کریپٹوگرافک آلات ، ایویونکس اور سوفٹ ویئر اپڈیٹس ،تربیت اور لاجسٹکس سپورٹ شامل ہیڈی ایس سی اے کے خط میں کہا گیا ہے کہ اس اپ گریڈ سے پاکستان کے Block-52 اور Mid-Life Upgrade کیے ہوئے F-16 طیارے 2040 تک فعال رہ سکیں گے۔اس کے علاوہ یہ اپ گریڈ فضائی مشقوں، مشترکہ کارروائیوں اور مستقبل کی ممکنہ آپریشنز میں امریکی اور اتحادی فورسز کے ساتھ انٹرآپریبلٹی (Interoperability) برقرار رکھنے میں مدد دے گی۔ اس اقدام سے F-16s کی پرواز کی حفاظت میں بھی اضافہ ہوگا، اور بیڑے کی عملی صلاحیت نئی خطرات اور مستقبل کی ضروریات کے مطابق برقرار رکھی جائے گی۔ ماہرین کا کہنا ہے کہ یہ منصوبہ پاکستان کے موجودہ ایف-16 فلیٹ کو مستقبل کی ضروریات سے ہم آہنگ کرے گا اور فضائی دفاع کو مزید مضبوط بنائے گا۔ اپ گریڈ کے بعد پاکستان ائیر فورس خطے میں اپنی فضائی برتری برقرار رکھنے کے قابل رہے گی۔دفاعی تجزیہ کاروں کے مطابق یہ منظوری پاکستان اور امریکا کے درمیان دفاعی تعاون میں ایک اہم پیش رفت ہے جبکہ PAF کے لیے یہ فیصلہ ایک ٹیکنالوجیکل گیم چینجر ثابت ہو سکتا ہے ۔حکومتی اور دفاعی حلقوں میں اس فیصلے کو قومی سلامتی کے لیے خوش آئند قرار دیا جا رہا ہے جس کے اثرات آنے والے برسوں میں پاکستان کی فضائی قوت میں واضح طور پر دیکھے جا سکیں گے۔