PHFکی طرف سے اذلان شاہ ہاکی کپ کیلئے قومی اسکواڈ کا اعلان

اسلام آباد (سپورٹس نیوز) پاکستان ہاکی فیڈریشن کی طرف سے اذلان شاہ ہاکی کپ کے لیے اٹھارہ رکنی قومی اسکواڈ کا اعلان کر دیا گیا۔ ٹیم میں سات ریزریو کھلاڑیوں کو بھی شامل کیا گیا ہے۔ عماد شکیل بٹ قومی ہاکی ٹیم کے کپتان مقرر جبکہ ابوبکر نائب کپتان مقرر کیے گئے ہیں۔ دوگول کیپرز عبداللہ ، منیب الرحمن کو اسکواڈ میں شامل۔ اس کے علاوہ اسامہ بشیر، احتشام ، ایم عبداللہ , سفیان ، سلمان رزاق ، ارشد لیاقت قومی ٹیم میں شامل۔ مزید کھلاڑیوں میں معین شکیل ،ذکریا حیات ، مرتضی یعقوب ، غضنفر علی ، عبد الرحمن سینیر شامل۔ حنان شاہد ، راناوحید ، اعجاز احمد بھی پاکستانی اسکواڈ کا حصہ ہوں گے۔ اس حوالے سے قومی ٹیم کے ڈچ نیشنل کوچ رولنٹ اولٹمنز کا کہنا تھا کہ موجودہ ٹیلنٹ کو دیکھ کر بہترین ٹیم تیار کرنے کی کوشش کی۔ جو ٹیم میں شامل نہیں وہ مزید محنت کریں۔ ہمارا ٹارگٹ نیشنز ہاکی کپ ہے اور اذلان شاہ کے بعد نیشنز کپ کے لیے ٹیم میں تبدیلی کی جا سکتی ہے۔ کوچ کا مزید کہنا تھا کہ ہمیں اذلان شاہ کپ کے نتائج کی فکر نہیں۔ ہم نے ایک بہتر ٹیم تیار کرنی ہے اور کھلاڑیوں نے اچھا رزلٹ دکھایا تو ایونٹ جیت سکتے ہیں۔