موٹروے پر تیزرفتار بس بے قابو ہوکرالٹ گئی ‘ 2مسافر جاں بحق ‘ 15زخمی

لاہور (بیوروچیف) موٹروے ایم2پر کلر کہار کے قریب مسافر بس کے حادثے میں 2 افراد جاں بحق اور15زخمی ہو گئے۔ترجمان موٹروے پولیس کے مطابق موٹر وے ایم 2 پر کلر کہار کے قریب بارش کے دوران انتہائی تیز رفتاری کے باعث مسافر بس بے قابو ہو کر الٹ گئی اور ڈیوائیڈر سے جا ٹکرائی ۔ترجمان کے مطابق حادثے میں 2 افراد جاں بحق اور 15 زخمی ہو گئے، تمام زخمیوں کوریسکیو عملہ نے ڈی ایچ کیو ہسپتال چکوال منتقل کر دیا۔