اسرائیلی غنڈہ گردی سے انسانیت بھی شرما گئی ہے

فیصل آباد (سٹاف رپورٹر) مرکزی جمعیت اہلحدیث پنجاب نے اپنے قائدین کے حکم پر فلسطینی عوام سے اظہار یکجہتی اور اسرائیلی سفا کیت وظلم بربریت کے خلاف یوم دعا منایا ۔ پنجاب بھر ریلیوں کا اہتمام کیاگیا ۔ قبلہ اول کی آزادی کے لئے نمازِ جمعہ میں قنوت نازلہ اور خصوصی دعاں کا اہتمام بھی کیا گیا ۔ مرکزی جمعیت اہلحدیث پنجاب کے امیر مولانا عبد الرشید حجازی اور شیخ محمد اسحاق نے مسجد اقصی بٹالہ کالونی سے اسرائیل مردہ باد کے شرکا اسطرح خالد محمود اعظم آبادی و اسامہ اصغر چیمہ نے ضلع کونسل چوک میں ریلی کے شرکا سے خطاب کرتے ہوئے کہا کہ فلسطین میں اسرائیلی غنڈہ گردی اور سفاکیت سے انسانیت بھی شرما گئی ہے ۔ معصوم بچوں ، عورتوں کے ساتھ انسانیت سوز سلوک پر عالمی استعماری قوتوں کی خاموشی لمحہ فکریہ ہیں ۔ انسانی حقوق کے چیمپئن ، اقوام متحدہ ، او آئی سی اور دیگر تنظیموں کی اسرائیلی سفاکیت پر پرسرار خاموشی انسانیت کے منہ پر طمانچہ ہے ۔ اسرائیل نے سنگین جنگی جرائم کا ارتکاب کیا ہے اور جنگ بندی کے باوجود فلسطینی عوام پر مسلسل بم برسائے جا رہے ہیں ۔ انسانی حقوق کے دعوے داروں کو غزہ میں معصوم بچوں کی ٹرپٹی لاشے کیوں نظر نہیں آ رہی ۔ ان کے دوہرے معیار انصاف نے دنیا کے امن کو دا پر لگا رکھا ہے ۔ پاکستان سمیت دیگر مسلم ممالک کے حکمرانوں کو اسرائیل کے خلاف جہاد کا اعلان کرنا چاہیے مرکزی جمعیت اہلحدیث پاکستان کے لاکھوں افراد جانے کو تیار ہے ۔ ریلیوں کے اختتام پر قبلہ اول و فلسطین کی آزادی ، شہدا کے درجات کی بلندی اور زخمیوں کی جلد صحت یابی کیلئے خصوصی دعا کی گئی ۔