مشرق وسطی’ غزہ کیلئے21نکاتی امریکی امن منصوبہ

نیویارک (مانیٹرنگ ڈیسک) امریکی صدر ڈونلڈ ٹرمپ نے مسلم رہنمائوں کو مشرق وسطی اور غزہ کے لیے21نکاتی امن منصوبہ پیش کردیا۔مشرقی وسطی کے لیے امریکی خصوصی ایلچی اسٹیو وٹکوف نے کہا کہ مشرق وسطی اور غزہ میں امن کے لیے صدر ٹرمپ کا 21نکاتی منصوبہ اقوام متحدہ جنرل اسمبلی اجلاس کے سائیڈ لائن میں کچھ رہنمائوں کو دے دیا گیا ہے۔انہوں نے کہا کہ ہم پراعتماد ہیں کہ آنے والے چند روز میں غزہ سے متعلق کسی نہ کسی بریک تھرو کا اعلان کر سکتے ہیں۔اسٹیو وٹکوف نے مزید کہا ایران سے بھی بات ہو رہی ہے لیکن ایران نے سخت مقف اپنایا ہوا ہے، ہم ایران سے مذاکرات کرنے کے خواہشمند ہیں۔یاد رہے کہ گزشتہ روز امریکی صدر ڈونلڈ ٹرمپ کی نیویارک میں اسلامی ملکوں کے سربراہان سے ملاقات ہوئی، تقریبا 50 منٹ جاری رہنے والی اس ملاقات میں غزہ سمیت مشرق وسطی کی صورت حال پر تفصیلی گفتگو ہوئی۔امریکی صدر کے ساتھ ملاقات میں وزیراعظم شہباز شریف سمیت ترکیہ، سعودی عرب، متحدہ عرب امارات، مصر، اردن، قطر اور انڈونیشیا کے سربراہان شریک ہوئے۔ملاقات کے بعد امریکی صدر نے میڈیا سے گفتگو کرتے ہوئے مسلم رہنماں سے ملاقات کو انتہائی کامیاب قرار دیا تھا۔ صدر ٹرمپ نے کہا تھا کہ غزہ کے بارے میں انکی عظیم رہنماں کے ساتھ یہ بہت اچھی اور کامیاب ملاقات رہی ہے۔