پاکستان کی سفارتی محاذ پر ایک اور کامیابی

نیویارک (مانیٹرنگ ڈیسک) نیویارک میں اقوام متحدہ کی سلامتی کونسل کا بند کمرہ اجلاس، پاکستانی مستقل مندوب عاصم افتخار نے بھارتی عزائم اور حقائق سے آگاہ کیا، سلامتی کونسل کا اجلاس پاکستان کی درخواست پرطلب کیاگیا۔عاصم افتخار نے بھارت کے حالیہ اقدامات پر شدید تحفظات کا اظہار کیا، میڈیا سے گفتگو میں کہا بھارتی اقدامات سے خطے کے امن کو خطرات لاحق ہیں،خطے کے ممالک کیساتھ مسائل مذاکرات سے حل کرنا چاہتے ہیں۔پاکستان اپنی خودمختاری،علاقائی سلامتی کے دفاع کیلئے تیار ہے، کشمیری عوام کی امنگوں کے مطابق مسئلہ کشمیر حل ہوناچاہیے،تنازع کشمیر پاکستان اور بھارت کے درمیان بنیادی مسئلہ ہے،مسئلہ کشمیر70سال گزرنے کے باوجود حل طلب ہے۔