پاک فوج ملک کی سا لمیت ، امن استحکام کی ضامن ہے

کمالیہ(نامہ نگار)صدر انجمن تحفظ حقوقِ شہریاں کمالیہ رانا مظفر علی فاروقی نے ایک بیان میں کہا ہے کہ پاک فوج ملک کی سا لمیت، امن اور استحکام کی ضامن ہے ۔ پاک فوج نے ہر مشکل گھڑی میں قوم کی امیدوں پر پورا اترتے ہوئے وطنِ عزیز کا دفاع کیا ہے ۔ دہشت گردی کے خاتمے ، قدرتی آفات میں عوام کی مدد اور ملکی ترقی میں پاک فوج کا کردار قابلِ تحسین ہے ۔ پاک فوج نہ صرف سرحدوں کی حفاظت کرتی ہے بلکہ اندرونِ ملک بھی عوام کی خدمت میں پیش پیش رہتی ہے ۔ انہوں نے مزید کہا کہ قوم کا ہر فرد اپنے سپاہیوں کے ساتھ کھڑا ہے ، اور کسی بھی منفی پروپیگنڈے یا بیرونی سازش کو کامیاب نہیں ہونے دیا جائیگا پاک فوج ہمارے ماتھے کا جھومر اور فخرِ ملت ہے۔