بابر اعظم سے خراب رویے پر آفریدی کی عامر کو ڈانٹ ڈپٹ

قومی کرکٹ ٹیم کے سابق کپتان اور چیف سلیکٹر شاہد آفریدی نے خراب رویے پر فاسٹ بولر محمد عامر کی سرزنش کردی۔ سابق کپتان شاہد آفریدی نے کہا کہ پاکستان سپر لیگ کے آٹھویں ایڈیشن میں محمد عامر کی جانب سے بابراعظم کے حوالے سے دیئے گئے بیان اور انکی پرفارمنس پر سوالات اٹھنے لگے ہیں۔انہوں نے کہا کہ اکثر کھلاڑیوں کو اچھے یا برے کھیل پر پیغامات بھیجتا ہوں، عامر کو بھی اس کے رویے کی وجہ سے ڈانٹا، میں نے ان سے کہا کہ کیا یہ کوئی طریقہ ہے جس قسم رویہ آپ اختیار کررہے ہیں، اللہ تعالی نے آپکو عزت دی، دوسرا موقع دیا۔سابق کپتان نے مزید کہا کہ کرکٹ میچز فیملیز اور بچے بھی دیکھ رہے ہوتے ہیں، آپ کے برے الفاظ کا کیا اثر پڑے گا، جہاں تک بابر کا تعلق ہے اگر آپ کو قومی ٹیم میں واپس آنا ہے تو پھر ان کی قیادت میں کھیلنا ہوگا۔ ایسی حرکتوں سے کیا آپ نظریں ملا سکیں گے۔شاہد آفریدی نے کہا کہ جواب میں عامر نے معذرت کرنے کے ساتھ سمجھانے پر شکریہ بھی ادا کیا۔