موسم کا نرالا رنگ’ کشمیر میں برفباری ‘کراچی میں شدید گرمی

اسلام آباد(بیوروچیف)پاکستان میں موسم عجیب رنگ دکھا رہا ہے ۔ آزاد کشمیر کے علاقہ حویلی میں اپریل میں برف پڑ رہی ہے تو معتدل موسم کے شہر کراچی میںسورج کا پارہ ہائی ہوگیا جس کے باعث شہر میں درجہ حرارت39 اعشاریہ5ڈگری سینٹی گریڈ تک جاپہنچا۔کراچی میں اچانک موسم کے کروٹ لینے اور گرمی شدید ہو جانے سے سکول جانے والے بچے اور دھوپ میں کام کرنے والے مزدور بلبلا اٹھے۔ محکمہ موسمیات کی پیش گوئی ہے کہ آئندہ تین روز تک شہر کا موسم خشک اور گرم رہیگا، اس دوران زیادہ سے زیادہ درجہ حرارت 37 سے 40 ڈگری سینٹی گریڈ تک رہنے کا امکان ہے جب کہ آئندہ دو روز تک ہوا میں نمی کا تناسب 10 سے 30 فیصد تک رہ سکتا ہے۔ دن میں موسم گرم رہنے تاہم شام میں سمندری ہوائیں بحال ہونیکا امکان ہے۔ماہرین کا مشورہ ہے کہ جسم میں پانی اور نمکیات کی کمی نہ ہونے دیں۔ماہرین کا کہنا ہے کہ شہری غیرضروری طور پر گھروں سے نہ نکلیں،گرمی سے بچا کے لیے ہلکے رنگ کیکپڑے پہنیں، ٹھنڈے مشروبات کا استعمال کریں۔