ڈپٹی کمشنر فیصل آباد نے شہریوں کے مسائل سنے

فیصل آباد(سٹاف رپورٹر)ڈپٹی کمشنر کیپٹن(ر)ندیم ناصر نے اپنے دفتر میں اوپن ڈور پالیسی کے تحت شہریوں کے مسائل سنے اورشہریوں کی درخواستوں پر موقع پر ہی افسران کو فون کالزکرکے داد رسی کا حکم دیا۔ڈپٹی کمشنر نے کہا کہ شہریوں کے مسائل کا ازالہ ترجیحات میں سرفہرست ہے۔اسسٹنٹ کمشنرز سمیت ضلعی محکموں کے سربراہان بھی روزانہ عوام کیلئے قابل رسائی رہیں۔عوامی مسائل کو خندہ پیشانی سے سن کر ان کے مسائل کے حل کیلئے سنجیدہ اقدامات ہونے چاہیں۔انہوں نے درخواست گزاروں سے کہا کہ ڈپٹی کمشنر آفس کے دروازے عوام الناس کے لئے کھلے ہیں اور ان کے مسائل کے حل کے لئے اقدامات جاری ہیں۔