قطر کا غیر ملکیوں کے لئے رہائشی پروگرام متعارف

دوحہ (مانیٹرنگ ڈیسک) قطر کاروباری افراد اور سینئر ایگزیکٹوز کے لیے 10 سالہ رہائشی پروگرام متعارف کرائے گا، یہ اعلان پڑوسی ممالک سعودی عرب اور متحدہ عرب امارات کی طرز پر کیا جا رہا ہے جنہوں نے حالیہ برسوں میں طویل مدتی رہائشی اسکیمیں شروع کی ہیں۔ قطر کے وزیراعظم شیخ محمد بن عبدالرحمن الثانی نے کہا کہ قطر کاروباری افراد اور سینئر ایگزیکٹوز کے لیے 10 سالہ اقامتی پروگرام متعارف کرائے گا، الثانی نے کہا کہ قطر انویسٹمنٹ اتھارٹی (QIA) اپنے وینچر کیپیٹل پروگرام کو 2 بلین ڈالر تک بڑھا دے گی۔ “فنڈ آف فنڈز اقدام، جس کی اس وقت مالیت $1 بلین ہے، وینچر کیپیٹل فرموں کو قطر کی طرف راغب کرنے کے لیے تشکیل دیا گیا تھا تاکہ ملک میں انٹرپرینیورشپ کے لیے ایک مضبوط ماحول بنایا جا سکے اور اس کی معیشت کو گیس کی آمدنی سے دور کرنے میں مدد ملے۔ ہمسایہ ممالک سعودی عرب اور متحدہ عرب امارات کی طرف سے اسی طرح کے اقدامات کیے گئے ہیں جس میں ہنرمند پیشہ ور افراد اور سرمایہ کاروں کو راغب کرنے کے لیے طویل مدتی رہائشی اسکیمیں شروع کی گئی ہیں۔