وائٹلٹی بلاسٹ ٹی 20 کا پہلا کوارٹر فائنل 3 ستمبر کو ہوگا

لندن(سپورٹس نیوز)وائٹلٹی بلاسٹ ٹی 20 کی کوارٹر فائنل لائن اپ مکمل ہو گئی۔ سرے، نارتھمپٹن شائر،ڈرہم، ہیمپشائر،لنکا شائر، کینٹ،سمرسیٹ اور واروکشائرکی ٹیمیں کوارٹر فائنل میں پہنچ چکی ہیں۔ ٹورنامنٹ میں کوارٹر فائنل رائونڈ کا آغاز 3 ستمبر سے ہوگا۔ پہلا کوارٹر فائنل میچ 3 ستمبر کو سرے اور نارتھمپٹن شائرکی ٹیموں کے درمیان لندن میں کھیلا جائے گا،دوسرے کوارٹر فائنل میچ میں ل 5 ستمبر کو ڈرہم اورہیمپشائر کی ٹیمیں ریور سائیڈ گراؤنڈ، چیسٹر لی سٹریٹ کے مقام پر پنجہ آزمائی کریں گی، تیسرا کوارٹر فائنل میچ کینٹ اور لنکا شائر کی ٹیموں کے درمیان 6 ستمبر کو اولڈ ٹریفورڈ، مانچسٹر میں کھیلا جائے گا۔