پہلی بار ایک پاکستانی نژاد ساونڈ انجینئر نے گریمی ایوارڈ جیت لیا

نیویارک(شوبز نیوز) پاکستانی نژاد طوریس حبیب سانڈ انجینئرنگ میں گریمی ایوارڈ جیتنے والے پہلے پاکستانی بن گئے۔عالمی خبر ساں ادارے کے مطابق سائونڈ انجینئر طوریس حبیب نے فروری میں عالمی شہرت یافتہ موسیقار ہانس زِمر کی فلم DUNE: PART TWO کے سانڈ ٹریک پر اپنی صلاحیتوں کے جوہر دکھائے تھے۔ان کے کام کو نہ صرف ہالی ووڈ بلکہ دنیا بھر میں قدر کی نگاہ سے دیکھا گیا’یہ بات بھی دلچسپی سے خالی نہیں کہ طوریس حبیب نے یہ سنگ میل خاموشی سے حاصل کیا اور ٹرافی گھر پہنچنے تک کسی کو نہیں بتایا۔اس ہفتے ٹرافی وصول ہونے کے بعد طوریس حبیب نے پہلی بار سوشل میڈیا پر اس شاندار کامیابی سے آگاہ کیا۔