اسلام آباد (بیوروچیف) وی آئی پیز کے لیے پروٹوکول ڈیوٹیز سرانجام دینے والے افسران اور ملازمین کے لیے بڑی خوشخبری سامنے آگئی۔ تفصیلا ت کے مطابق پروٹوکول ڈیوٹیز کی حساس نوعیت کے پیشِ نظر افسران و ملازمین کی تنخواہوں اور الانسز میں نمایاں اضافے کی تجاویز تیار کر لی گئیں, گریڈ ایک سے 19تک کے افسرا ن وملازمین کی تنخواہوں اور مراعات میں اضافے سے متعلق سفارشات مرتب کی گئی ہیں۔ڈپٹی ڈائریکٹر پروٹوکول / ایڈمن کی تنخواہ 2لاکھ 26ہزار روپے تک مقرر کرنیکی تجویز۔ اسسٹنٹ ڈائریکٹر ایڈمن کی مجوزہ تنخواہ 1 لاکھ 82 ہزار 556روپے۔ سینئر کلرک کی تنخواہ 70 ہزار سے بڑھا کر 93ہزار روپے۔ جونیئر کلرک کی تنخواہ 59ہزار سے بڑھا کر 78ہزار روپے کرنیکی تجویز دی گئی۔
