حکومت خسارہ میں چلنے والے ادارو ں کی جلد نجکاری کرے

فیصل آباد ( سٹاف رپورٹر)پائما کے سابق چیئرمین شیخ اکرم پاشا نے کہا ہے کہ حکومت سالا نہ اربوں روپے کا خسارہ کرنیوالے اداروں کی نجکار ی کیلئے تیز رفتاری سے پیشرفت کرے ،معیشت کی ترقی کیلئے پبلک پرائیویٹ پارٹنر شپ کا ماڈل اپنانا ہوگا ، اسٹیٹ بینک شرح سود کو سنگل ڈیجٹ میں لائے تاکہ مقامی کاروبار ترقی کر سکیں ۔اپنے بیان میں انہوںنے کہاکہ حکومت کے بہت سے ادارے سفید ہاتھی بنے ہوئے ہیں جو مطلوبہ نتائج دئیے بغیر سالانہ اربوں روپے کا خسارہ کر رہے ہیں ، حکومت کو چاہیے کہ ان کی نجکاری کے لئے تیز رفتاری سے پیشرفت کرے تاہم اس میں ملک و قوم کے مفاد کو پیش نظر رکھا جانا چاہیے ۔ انہوںنے مزید کہا کہ حکومت نجی شعبے کو پارٹنر کے طور پر اعتماد میں لے ، نجی شعبے میں بہت سے لوگ کامیابیاں سمیٹ رہے ہیں اس لئے پبلک پرائیو یٹ پارٹنر شپ کا ماڈل اپنایا جائے ۔ انہو ںنے کہاکہ پاکستان میں شرح سود ابھی بھی خطے کے دیگر مما لک میں سب سے زیادہ ہے جسے سنگل ڈیجٹ میں لانیکی ضرورت ہے ۔ شرح سود نیچے آنے سے مقامی کاروبار وں سے وابستہ تاجر قرض لیں گے۔