راولپنڈی(بیورو چیف) راولپنڈی پولیس نے منشیات فروشوں کے خلاف کارروائی کرتے ہوئے 5 ملزمان کو گرفتار کر کے 7 کلو سے زائد چرس برآمد کر لی۔تفصیلات کے مطابق کینٹ پولیس نے دو ملزمان کو گرفتار کر کے 3 کلو 500 گرام چرس برآمد کی۔ صدر واہ پولیس نے ایک ملزم سے 1 کلو 400 گرام چرس، پیرودہائی پولیس نے ایک ملزم سے 1 کلو 180 گرام چرس جبکہ ٹیکسلا پولیس نے ایک ملزم سے 1 کلو 150 گرام چرس برآمد کی۔ ڈویڑنل ایس پیز کا کہنا تھا کہ منشیات کے ناسور کے خاتمے کیلئے تمام ممکنہ اقدامات اٹھائے جا رہے ہیں۔
