نئی دہلی (سپورٹس نیوز)انٹرنیشنل کرکٹ کونسل (آئی سی سی) ویمنز کرکٹ ورلڈ کپ میں مسلسل تیسری شکست پر بھارتی ویمن کرکٹ ٹیم سخت تنقید کی زد میں آگئی۔انگلینڈ سے شکست کے بعد بھارتی ویمن ٹیم کا ٹاپ فور میں پہنچنا دشوار ہو گیا ،بھارتی میڈیا کے مطابق بھارتی ویمن کرکٹرز کو یکساں میچ فیس ملنے پر بھی سخت تنقید کا سامنا ہے۔ ویرات کوہلی، روہت شرما اور شبمن گل سے جتوانے اور سنچری کی توقع رکھی جاتی ہے، ویمن کرکٹرز کو بھی پھر توقعات پر پورا اترنا چاہیے۔بھارتی میڈیا نے کہا کہ بھارتی ٹیم کا نیوزی لینڈ اور بنگلادیش کے خلاف میچ ڈو آر ڈائی ہے، آسٹریلیا جنوبی افریقہ اور انگلینڈ سے مسلسل شکست ہوئی، سمریتی مندھنا اور ہرمن پریت پر تنقید کیوں نہیں ہو سکتی۔
