اماراتی بینک پاکستان میں ڈیجیٹل بینکنگ کیلئے تیار

کراچی(بیوروچیف) متحدہ عرب امارات کا المشرق بینک پاکستان میں ڈیجیٹل بینکنگ کیلئے تیار، سٹیٹ بینک سے پائلٹ آپریشن کا لائسنس مل گیا۔سی ای اوالمشرق بینک ہمایوں سجاد نے کہا کہ سٹیٹ بینک کی ہدایت پرجنوری سے مارچ 2025تک پہلے مرحلے میں سٹاف لیول پر پائلٹ سروسز کا آغاز کردیا ہے، المشرق بینک پہلی بارایس ایم ای ڈیجیٹل بینکنگ کا پلیٹ فارم متعارف کریگا۔ہمایوں سجاد نے کہا کہ سٹیٹ بینک گائیڈ لائن کے بعد مارچ کے بعد باقاعدہ ڈیجیٹل بینکنگ کا نیٹ ورک آپریٹ کریں گے، مشرق بینک کا پورا سسٹم سٹیٹ بینک اور نادرا سے منسلک ہوگیا ہے، نادرا بائیومیٹرک سے ہی ڈیجیٹل بینک میں آن لائن اکانٹ کھولا جاسکتاہے۔انہوں نے مزید کہا کہ پہلی باربینک ٹو بینک الیکٹرانک نان کیش سسٹم پرکام کریں گے، المشرق بینک سے صارفین کو کرنٹ اکائونٹ ، سیونگ اکائونٹ اور اسلامک بینکنگ کی سہولیات میسر ہوں گی۔