جعفر ایکسپریس پر دہشتگردوں کے حملے کی مذمت

فیصل آباد (سٹاف رپورٹر) مسلم لیگ ن کے سابق رکن پنجاب اسمبلی چودھری شفیق احمد گجر نے بلوچستان کے علاقہ بولان ڈھاڈر میں جعفر ایکسپریس پر دہشتگر دوں کے حملے اور مسافروں کو یر غما ل بنا نیکی مذمت کرتے ہوئے منصوبہ ساز و ں تک پہنچنے کی ضرورت قرار دیا ہے ۔ انکاکہناتھاکہ دہشتگردی معاشی ا ستحکا م میں سب سے بڑی رکاوٹ ہے بیرون ممالک کی پاکستان میں سرمایہ کاری مشکل ہوسکتی ہے۔ انہوں نے کہاکہ بلوچستان اورکے پی کے میں آ ئے روز دہشت گردی کے واقعات خطرناک ہیں سیکورٹی فورسز کے جوان جان کے نذرانے بھی پیش کررہے ہیں اس کے باوجود دہشت گردی ختم نہیں ہو رہی۔ بچوں اورخواتین سمیت مسافروں کو یرغمال اور ٹارگٹ بنانے والے انسان نہیں حیوان ہیں۔ ضرورت اس امر کی ہے کہ تمام پارلیمانی جماعتیں متحد اور متفق ہوکر لائحہ عمل طے کریں۔ انہوں نے کہاکہ سیکورٹی فورسز نے 16دہشت گردوں کو ہلاک اور140مسافروں کو بازیاب کرکے ذمہ داری ثابت کی ہے۔ دشوارراستوں کے باوجود فورسز نے پیشہ ورانہ مہارت سے دہشت گردوں کامقابلہ کیا۔ انہوں نے کہاکہ نہتے شہریوں اور مسافروں پرحملے غیر انسانی اورمزموم عمل ہے۔