نئی خصوصیات کا حامل سولر پینل متعارف

بیجنگ (مانیٹرنگ ڈیسک) مشہور زمانہ چینی کینیڈین کمپنی “کینیڈین سولر نے ایک نیا بائی فیشل “TopCon”سولر پینل متعارف کرادیا ہے۔ اس سولر پینل کو خصوصی طور پر ژالہ باری سے متاثرہ علاقوں کیلئےۖلانچ کیا گیا ہے۔ کمپنی کے ترجمان نے بتایا کہ یہ نیا ماڈیول CS6.2 سیریز کا حصہ ہے جو 182 ملی میٹر کے پرو سیلز پر مبنی ہے۔ترجمان نے کہا کہ اینٹی ہیل ماڈیول خاص طور پر ان مقامات کے لیے تیار کیا گیا ہے جہاں ژالہ باری کا خطرہ زیادہ ہو یا بیمہ کی بڑھتی لاگت سے بچنے کے لیے مالکان پائیدار حل چاہتے ہوں۔TOPBiHiKu6 Anti-Hail نامی یہ ماڈیول دونوں جانب 2.5 ملی میٹر کا مکمل طور پر ٹیمپرڈ گلاس رکھتا ہے، جبکہ اس کا فریم 35 ملی میٹر موٹا ہے۔ترجمان کا کہنا تھا کہ اگرچہ 0.5 ملی میٹر کی اضافی موٹائی معمولی لگتی ہے، لیکن یہ مکمل ٹیمپرنگ کو ممکن بناتی ہے، جس سے ژالہ باری سے تحفظ میں نمایاں بہتری آتی ہے۔یہ مضبوط فریم تیز ہواں والے علاقوں میں بھی اسے استعمال کے قابل بناتا ہے۔کمپنی کے مطابق، اس ماڈیول نے IEC 61215 اسٹینڈرڈ کے مطابق متعدد ٹیسٹ کامیابی سے مکمل کیے ہیں، اور یہ 55 ملی میٹر تک کے برفانی اولوں کا سامنا کرنے کی صلاحیت رکھتا ہے۔ماڈیول میں 132 ہاف کٹ سیلز شامل ہیں اور یہ سات مختلف ماڈلز میں دستیاب ہے، جن کی نامیاتی طاقت 600 واٹ سے 630 واٹ تک ہے۔ اس کی پاور کنورژن ایفیشنسی (کارکردگی)23.3 فیصد تک پہنچتی ہے، جبکہ اوپن سرکٹ وولٹیج 45.1V سے 46.2V اور شارٹ سرکٹ کرنٹ 12.77A سے 13.05A تک ہے۔ اس کی بائی فیشیئلٹی (دونوں جانب سے شمسی توانائی حاصل کرنے کی صلاحیت) 85فیصد تک ہو سکتی ہے۔