تین روزہ اوورسیز پاکستانیز کنونشن کا آج سے آغاز

اسلام آباد (بیوروچیف) ملک میں پہلے تین روزہ اوورسیز پاکستانیز کنونشن کا آج سے آغاز کیا جا رہا ہے’کنونشن پاکستانیوں کو اقدامات سے آگاہ کرنے کے لیے وفاقی دارالحکومت اسلام آباد میں منعقد کیا جائے گا۔ ذرائع کے مطابق سالانہ اوورسیز پاکستانیز کنونشن 13سے 16اپریل تک جناح کنونشن سینٹر میں جاری رہے گا,بیرون ممالک سے پاکستانی برادری کے 500سے زائد نمائندے اس کنونشن میں شرکت کر رہے ہیں۔ کنونشن کا افتتاح وزیر سمندرپار پاکستانی چوہدری سالک حسین کریں گے۔ کنونشن کے پہلے روز شریک اوورسیز پاکستانی لوک ورثہ کا دورہ کریں گے،لوک ورثہ میں ان کیلئے خصوصی فنون لطیفہ’ دستکاری’ روایتی کھانوں وموسیقی پر مبنی میلے کا انعقاد کیا جا رہا ہے۔ کل کنونشن کے شرکا کے اعزاز میں عشائیہ دیا جاے گا۔ کنونشن کے دوسرے روز وفاقی وزیر چوہدری سالک حسین و وزیر مملکت عون چوہدری کی جانب سے استقبالیے دئیے جائیں گے۔ کنونشن کے دوسرے روز ایس آئی ایف سی کی جانب سے شرکا کو خصوصی بریفنگ بھی دی جائے گی،تین روزہ کنونشن میں وزیراعظم شہباز شریف بھی شرکت کریں گے,مسلح افواج کے سربرہ جنرل عاصم منیر کی شرکت بھی متوقع ہے۔ کنونشن کے دوسرے اور تیسرے روز کی کوریج سرکاری میڈیا کے ذریعہ کی جاے گی,تین روزہ کنونشن میں پینل مباحثے’ سرمایہ کاری فورموں’ انٹریکٹوو سیشن منعقد کیے جائیں گے۔ کنونشن کے مقاصد میں بیرون ممالک پاکستانیوں کے مسائل, درپیش مشکلات کا جائزہ لینا اور ان کے حل کی تلاش شامل ہے, کنونشن کا مقصد بیرون ممالک مقیم پاکستانی برادری کے لئے ملک میں سرمایہ کاری, کاروبار, طویل المدت معاشی شراکت داری کے مواقع کی تلاش ہے, کنونشن کے زریعہ بیرون ممالک پاکستانی برادری کو انگیج کرنے, ملک کے ساتھ ان کے رشتہ کو مضبوط بنانے میں بھی مدد ملے گی۔ ذرائع کا مزید کہنا ہے کہ کنونشن میں شریک مہمانوں کی بورڈنگ, اور لاجنگ کے اخراجات حکومت برداشت کر رہی ہے,کنونشن کے شرکا کو ریاستی مہمانوں کا درجہ دیا جا رہا ہے,مہمانوں کو اسلام آباد انٹر نیشنل ایئرپورٹ سے ان کے ہوٹلز تک مفت ٹرانسپورٹ فراہم کی جا رہی ہے, شرکا کی سہولت کاری کے لییکنونشن سینٹر میں جگہ جگہ ہیلپ ڈیسک قائم کیے گئے ہیں۔