گولڈن اے ٹی ایم مشین متعارف

بیجنگ ( مانیٹرنگ ڈیسک )چین میں گولڈ اے ٹی ایم مشین چلائی جا رہی ہے جو سونا پگھلا کر اکانٹ میں رقم بھیجنے کے لیے استعمال ہوتی ہے۔ چین کا گولڈ اے ٹی ایم نہ صرف شنگھائی میں بلکہ پوری دنیا کی توجہ حاصل کر رہا ہے۔رپورٹ کے مطابق یہ گولڈ اے ٹی ایم، جو شنگھائی میں قائم ہے، سونا پگھلاتا ہے، اس کی صفائی اور وزن کو چیک کرتا ہے اور اس کی قیمت نقد کی شکل میں آپ کے بینک اکانٹ میں منتقل کرتا ہے۔رپورٹ کے مطابق چین کے کنگ ہڈ گروپ کی جانب سے چلایا جانے والا اے ٹی ایم 3 گرام سے زائد اور کم از کم 50 فیصد پاکیزگی کے ساتھ سونے کی اشیا قبول کرتا ہے۔ یہ سونا پگھلاتا ہے، اس کے معیار اور وزن کو جانچتا ہے، اور پھر مساوی قیمت کو 30 منٹ کے اندر بیچنے والے کے بینک اکانٹ میں منتقل کر دیتا ہے۔ اس عمل میں کسی کاغذی کارروائی ی ضرورت نہیں پڑتی۔چین میں اس وقت سونے کی اونچی قیمتوں کی وجہ سے لوگ اپنے پرانے زیورات بیچ رہے ہیں۔ اس مشین کی مانگ اتنی مضبوط ہے کہ لوگوں کو فروخت کے لیے ایک سلاٹ بک کرنے کی ضرورت ہے، اپوائنٹمنٹس مئی تک بک ہو چکی ہیں۔