فیروز خان کا آنکھوں میں جلن ہونے کا انکشاف

اسلام آباد (شوبز نیوز) شوبز انڈسٹری کے معروف اداکار فیروز خان نے آنکھیں متاثر ہونے کا انکشاف کیا ہے۔فوٹو اور ویڈیو شیئرنگ ایپ انسٹاگرام پر اداکار فیروز خان نے شوٹنگ کے دوران بام لگانے کی وجہ سے اپنی آنکھیں متاثر ہونے کا انکشاف کیا ہے۔اداکار نے لکھا کہ اداکاری کے دوران فوری طور پر آنسو نکالنے کے لیے انہوں نے آنکھوں میں بام لگا لگا کر اپنی آنکھیں خراب کر لیں۔اداکار کے مطابق اب حالت اتنی خراب ہو گئی ہے کہ ہلکی سی روشنی بھی آنکھوں میں بری طرح چبھتی ہے۔اس سے قبل انٹرویو میں اداکار نے انکشاف کیا تھا کہ وہ اپنی اہلیہ زینب سے کہاں ملے تھے۔ان کا کہنا تھا کہ میں نے آپ کو بتایا تھا کہ وہ میری ڈاکٹر تھیں، اس پر صحافی نے کہا کہ دل کی ڈاکٹر تھیں جس پر فیروز نے مسکراتے ہوئے کہا وہ میرے دل کی ڈاکٹر تھیں اور اب وہ میرے بلوں کی ڈاکٹر ہیں۔اداکار نے کہا کہ زینب ایک خوبصورت لڑکی ہے۔