عرفان خان ایشیا رائزنگ سٹارز کی قیادت کیلئے منتخب

لاہور (سپورٹس نیوز)محمد عرفان خان ایشیا کپ رائزنگ سٹارز 2025 میں پاکستان شاہینز کی قیادت کریں گے،ایونٹ 14 سے 23 نومبر تک قطر میں کھیلا جائیگاآٹھ ٹیموں کا ٹورنا منٹ، پاکستان گروپ بی میں عمان، بھارت اے اور یو اے ای کے ساتھ شامل ہے ۔گروپ اے میں افغانستان اے، بنگلہ دیش اے، ہانگ کانگ اور سری لنکا اے شامل ہے ،پاکستان کا پہلا میچ 14 نومبر کو عمان کے خلاف، دوسرا 16 نومبر کو بھارت اے سے اور تیسرا 18 نومبر کو یو اے ای کے خلاف ہوگا۔سیمی فائنلز 21 نومبر کو جبکہ فائنل 23 نومبر کو کھیلا جائے گا۔ روانگی سے قبل 8 سے 11 نومبر تک کراچی کے حنیف محمد ہائی پرفارمنس سینٹر میں تربیتی کیمپ ہوگا۔15 رکنی سکواڈ میں محمد عرفان خان (کپتان)، احمد دانیال، عرفات منہاس، معاز صداقت، محمد فائق، محمد غازی غوری، محمد نعیم، محمد سلمان، محمد شہزاد، مبصر خان، سعد مسعود، شاہد عزیز، صفیان مقیم، عبید شاہ اور یاسر خان شامل ہیں۔