بڑی آفر بھی ملے تو شان کیساتھ کام نہیں کرونگا، معمر رانا

لاہور (شوبز نیوز) فلم اسٹار معمر رانا نے کہا ہے کہ اگر کروڑوں روپے کی آفر بھی ملے تو شان کے ساتھ کام نہیں کروں گا۔نجی پوڈ کاسٹ میں گفتگو کرتے ہوئے ماضی میں لالی ووڈ کے سپر اسٹار رہنے والے اداکار معمر رانا نے کہا ہے کہ میں نے ماضی میں شان کے لیے کہا تھا کہ مجھے کروڑوں روپے کی آفر بھی ملے تو شان کے ساتھ کام نہیں کروں گا، تاہم مجھے اس سے محبت بھی ہے۔میزبان نے ان سے کہا کہ آپ ایسا کیوں کہہ رہے ہیں وہ تو اچھے آدمی ہیں اس پر انھوں نے کہا کہ اس میں کوئی شک نہیں کہ وہ سپراسٹار ہیں۔تاہم وہ میرے سینئر ہیں اور مجھے ان سے محبت بھی ہے اور میرے انڈسٹری میں آنے سے پہلے سے شان کے ساتھ دوستی ہے۔