پرولیگ کا پہلا مرحلہ 9 سے 14دسمبر تک جاری رہے گا

بیونس آئرس (سپورٹس نیوز) پرولیگ کاپہلا مرحلہ 9 سے 14 دسمبر تک جاری رہے گا، پاکستانی ہاکی ٹیم ارجنٹائن اور ہالینڈ کے خلاف دو دو میچز کھیلے گی، گرین شرٹس کا پہلا میچ 10 دسمبر کو مضبوط حریف ہالینڈ کے خلاف شیڈول ہے۔واضح رہے کہ پاکستان ہاکی ٹیم کے کپتان عماد بٹ ارجنٹائن روانگی سے قبل میڈیا سے گفتگو کرتے ہوئے کہا تھا کہ تیاری بڑی اچھی ہے، ہمارا سارا فوکس پرو ہاکی لیگ پر ہے۔قومی ہاکی ٹیم کے کپتان نے کہا تھا کہ اس طرح کے ایونٹس سے کھلاڑیوں کا مورال کافی بڑھتا ہے، ہر کھلاڑی بہتر سے بہتر کی کوشش کرتا ہے، ہمارا ٹارگٹ اس کے بعد ہونے والی پرو لیگ کیلئے کوالیفائی کرنا ہے، خامیوں کو دور کرنے کی بھرپور کوشش کی ہے۔