عائزہ خان کی مبینہ کاسمیٹک سرجری سے سوشل میڈیا پر نئی بحث

کراچی (شوبز نیوز) پاکستانی ڈرامہ انڈسٹری کی صف اول کی اداکارہ عائزہ خان ایک بار پھر سوشل میڈیا پر موضوعِ گفتگو بن گئیں۔میڈیا رپورٹ کے مطابق گزشتہ دنوں عائزہ خان یورپ میں چھٹیاں گزارتی نظر آئیں اور انہوں نے اپنے انسٹاگرام پر اہلِ خانہ اور دوستوں کے ساتھ تصاویر شیئر کیں، تاہم ان نئی تصاویر میں ان کے چہرے میں نمایاں تبدیلی نے مداحوں کی توجہ اپنی جانب کھینچ لی۔مداحوں نے کہا کہ عائزہ خان پہلے سے کافی مختلف نظر آ رہی ہیں، کچھ صارفین اس تبدیلی کو اسٹائلنگ قرار دے رہے ہیں، جبکہ متعدد مداحوں کا خیال ہے کہ اداکارہ نے مبینہ طور پر کاسمیٹک طریقہ کار اپنایا ہے۔سوشل میڈیا پر مداحوں نے اپنے ردِعمل کا اظہار کرتے ہوئے کہا کہ آپ تو مائیکل جیکسن لگ رہی ہیں، کیا ہو گیا ہی اتنا خوبصورت چہرہ کیوں خراب کر لیا پہچانی نہیں جارہیں، بہت مختلف لگ رہی ہیں، ناک کو کیا ہوا ہی ۔عائزہ خان کی جانب سے اب تک ان افواہوں پر کوئی ردعمل سامنے نہیں آیا، تاہم سوشل میڈیا پر ان کی نئی شکل و صورت نے ایک بار پھر مشہور شخصیات کے خوبصورتی کے معیارات اور کاسمیٹک سرجری کے بڑھتے رجحان پر بحث چھیڑ دی ہے۔