فضل الرحمان کے بیٹے کے سکواڈ کی گاڑی کو حادثہ

ڈی آئی خان(نامہ نگار) خیبرپختونخوا کے شہر ڈیرہ اسماعیل خان میں سربراہ جے یو آئی (ف) مولانا فضل الرحمان کے بیٹے مولانا اسجد محمود کے سکواڈ کی گاڑی حادثے کا شکار ہوگئی۔پولیس کے مطابق حادثہ لکی مروت سے ڈیرہ آتے ہوئے وانڈہ یارک کے قریب پیش آیا، جس میں 2ضا کار جاں بحق اور ایک زخمی ہوگیا، جبکہ مولانا اسجد محمود حادثے میں محفوظ رہے، جاں بحق اور زخمیوں کو ہسپتال منتقل کر دیا گیا ہے۔حکام کا کہنا ہے کہ جاں بحق ہونے والوں کا تعلق ضلع لکی مروت سے ہے۔پولیس کا کہنا ہے کہ سکواڈ میں شامل گاڑی پھسلن کے باعث سی پیک موٹر وے سے نیچے گر گئی تھی۔