اسلام آباد (بیوروچیف) حکومت کی جانب سے پٹرول کی قیمت میں مسلسل تیسرے اور ڈیزل کی قیمت میں مسلسل دوسرے دن اضافہ کردیا گیا ہے۔ پٹرولیم ڈویژن کی جانب سے 3 ستمبر کیلئے قیمتوں میں تبدیلی کا نوٹیفکیشن جاری کردیا گیا ہے۔نوٹیفکیشن کے مطابق پٹرول کی قیمت میں 2 روپے 29 پیسے جبکہ ڈیزل کی قیمت میں 1 روپیہ 11 پیسے فی لیٹر کا اضافہ کردیا گیا ہے۔ اس اضافے کے بعد پٹرول کی نئی فی لیٹر قیمت 346 روپے 16 پیسے جبکہ ڈیزل کی قیمت 372 روپے 3 پیسے فی لیٹر مقرر کردی گئی ہے۔نوٹیفکیشن کے مطابق پیٹرولیم مصنوعات کی قیمتوں میں تبدیلی کا اطلاق آج رات 12 بجے سے ہوگا۔
