واشنگٹن (مانیٹرنگ ڈیسک) عالمی منڈی میں سونے کی قیمت میں اضافہ دیکھا گیا کیونکہ امریکہ میں افراطِ زر کے توقعات سے کم رہنے والے اعداد و شمار نے رواں ماہ فیڈرل ریزرو کی جانب سے شرحِ سود میں اضافے کے امکانات کو کم کر دیا، سرمایہ کار اب امریکی روزگار کے آئندہ اعداد و شمار پر نظر رکھے ہوئے ہیں تاکہ مستقبل کی مالیاتی پالیسی کے بارے میں مزید اشارے مل سکیں۔اسپاٹ گولڈ کی قیمت 0.5 فیصد اضافے کے ساتھ 4,182.19 ڈالر فی اونس رہی، جبکہ دسمبر کے لیے امریکی گولڈ فیوچرز 0.4 فیصد بڑھ کر 4,204.80 ڈالر فی اونس پر پہنچ گئے، ستمبر میں سونے کی قیمت میں 6 فیصد سے زائد کمی ریکارڈ کی گئی تھی۔گزشتہ روز جاری ہونے والے اعداد و شمار کے مطابق اگست میں امریکی افراطِ زر توقعات سے کم رفتار سے بڑھا، جبکہ گزشتہ ماہ کے اعداد و شمار میں بھی قیمتوں کے دبا کو کم کرکے پیش کیا گیا، اس کے نتیجے میں اکتوبر میں شرحِ سود میں اضافے کے امکانات کم ہوئے اور مارکیٹ میں اس امکان کو تقریبا 38 فیصد پر دیکھا جا رہا ہے، جو اعداد و شمار جاری ہونے سے قبل 45 فیصد تھا تاہم دسمبر میں شرحِ سود میں اضافے کے امکانات اب بھی تقریبا 97 فیصد بتائے جا رہے ہیں۔Tastylive کے سربراہ برائے عالمی میکرو، ایلیا اسپیوک کے مطابق، آنے والے اقتصادی اعداد و شمار اہم ہوں گے اور ان سے یہ اندازہ لگانے میں مدد ملے گی کہ مارکیٹ شرحِ سود سے متعلق توقعات کو کس طرح تشکیل دیتی ہے، ان کے بقول مارکیٹ اس وقت متعدد متضاد عوامل کا سامنا کر رہی ہے۔دوسری جانب امریکی ڈالر دو ماہ کی بلند سطح کے قریب برقرار رہا، جس نے سونے کی قیمت میں اضافے کو محدود کیا،مضبوط ڈالر دیگر کرنسیوں کے حامل خریداروں کے لیے ڈالر میں قیمت والے سونے کو مہنگا بنا دیتا ہے۔ دیگر قیمتی دھاتوں میں اسپاٹ سلور 1.2 فیصد اضافے کے ساتھ 61.11 ڈالر فی اونس، پلاٹینم 0.7 فیصد بڑھ کر 1,717.35 ڈالر جبکہ پیلاڈیم 0.3 فیصد اضافے کے ساتھ 1,207.12 ڈالر فی اونس پر پہنچ گیا۔
