بھارتی اداکارہ رادھیکا124کروڑ کی مالکن بن گئی

ممبئی(شوبز نیوز) شوبز چھوڑ کر اپنی عمر سے 27سال بڑے وزیراعلیٰ سے شادی کرنے والی بھارتی اداکارہ رادھیکا124 کروڑ روپے کی مالکن بن گئی۔تفصیلات کے مطابق رادھیکا کمار سوامی ہندی سنیما کا ایک مشہورنام رہا ہے لیکن ان کی وجہ شہرت فلموں سیزیادہ بھارتی ریاست کرناٹک کے سابق وزیراعلیٰ کے ساتھ اپنے افیئر کی وجہ سے رہی ہے۔جب مشہور اداکارہ کے ساتھ سابق وزیراعلیٰ ایچ ڈی کمار سوامی کی خفیہ محبت کی خبریں منظرعام پرآئیں تو ان خبروں نے کرناٹک کی سیاست میں ہلچل مچادی تھی۔رادھیکا نے14سال کی عمرمیں فلم نیناگاگی سے اپنے اداکاری کاآغاز کیاتھا اس وقت وہ نویں جماعت کی طالبہ تھی ۔ انہیں 2002کی فلم نیلہ میگھا شاما سے مقبولیت حاصل ہوئی تھی۔رادھیکا نے 2006میں کرناٹک کے سیاستدان ایچڈی کمار سوامی سے شادی کا فیصلہ کیا تھا۔ وہ اس وقت اپنے کیریئر کے عروج پر تھی۔ اس خبر نے کرناٹک کے سیاسی حلقوں میں طوفان برپا کردیا تھا اور جے ڈی ایس لیڈر اور سابق وزیر اعلیٰ کی سیاسی زندگی سے زیادہ ان کی ذاتی زندگی میں دلچسپی لی جانے لگی۔فلم انڈسٹری سے لے کر سیاسی حلقوں تک ان کی معاشقی کے کافی چرچے رہے تھے۔ اس افیئر کی وجہ سے اداکارہ کا فلمی کیریئر تباہ ہوگیاتھا مگر اس کی ذاتی زندگی خوشیوں سے بھر گئی تھی۔