لاہور(شوبز نیوز) نامور اداکارہ زارا اکبر نے کہاہے کہ صرف مائیک اٹھالینے سے کوئی صحافی نہیں بن جاتا ، پاکستان میں کسی کی بھی پگڑی اچھال کر شہرت حاصل کرنے کا رواج چل نکلا ہے ، میرے خلاف ایک وی لاگر نے جو الزام تراشی کی ہے اس کے خلاف قانونی چارہ جوئی کروں گی ۔ خصوصی گفتگو کرتے ہوئے زارا اکبر نے کہا کہ صحافت ایک سنجیدہ شعبہ ہے لیکن کچھ لوگوں نے اسے ٹکے ٹوکری کر دیا ہے ، جو اصل صحافی ہیں وہ خبر کی تحقیق کرتے ہیں ، کسی پر لگائے گئے الزام پر متعلقہ شخص سے پوچھتے ہیں لیکن آج کل کی صحافت کا کوئی سر پیر نہیں جس کے ہاتھ میں موبائل اور مائیک آ گیا وہ صحافی بن جاتا ہے ۔ انہوں نے کہا کہ میں صحافتی تنظیموں سے بھی مطالبہ کروں گی کہ ایسے لوگوں کا محاسبہ کیا جائے تاکہ کوئی کسی کی پگڑی نہ اچھال سکے۔
