لائبہ خان کا شادی کی خاطر شوبز کو خیر باد کہنے کا عندیہ

لاہور(شوبز نیوز) پاکستانی شوبز انڈسٹری کی خوبرو اداکارہ لائبہ خان نیشادی کی خاطر شوبز کی دنیا کو خیرباد کہنے کا عندیہ دے دیا۔حال ہی میں لائبہ خان نے ایک شو میں شرکت کی جہاں انہوں نیکیریئر اور شادی سمیت مختلف موضوعات پر کھل کر گفتگو کی۔پروگرام کید وران لائبہ خان نے بتایا کہ مجھے اداکاری کا شوق نہیں تھا، میں اپنی چھوٹی بہن ایمان خان کے ساتھ شوٹنگ پر جاتی تھی جہاں ایک پروڈکشن ہاوس کی خاتون نے مجھے الف نامی ڈرامے میں کردار کرنے کی پیش کش کی اور پھر دیکھتے ہی دیکھتے میں اداکارہ بن گئی۔ان کا کہنا تھا کہ میں ایک شرمیلی لڑکی تھی، مجھ میں اعتماد کا فقدان ہوتا تھا، اس لیے مجھے ہمیشہ لگتا تھا کہ میں اداکاری نہیں کر سکتی لیکن پھر میں نے اداکاری کی تو مجھ میں اعتماد آنا شروع ہوا۔اداکارہ نے بتایا کہ میں نے شوبز میں قدم رکھا تو پہلے دن ہی طے کرلیا تھا کہ ابتدائی طور پر مجھے پانچ سال کے لیے شوبز میں جانا ہے اور اب مجھے شوبز میں پانچ سال مکمل ہونے والے ہیں اور مستقبل کا پتا نہیں کہ کیا ہوگا میزبان عمران اشرف نے اداکارہ سے شادی سے متعلق سوال کیا جس پر لائبہ کا کہنا تھا کہ میں شادی کرکے زندگی آباد کرنا چاہتی ہوں۔