لاہور(بیوروچیف) خان پور ڈیم کے پانی تلے سال کا بیشتر حصہ چھپی رہنے والی مسجد راجگان ہر گرمیوں میں پانی کی سطح کم ہونے پر دوبارہ منظرِ عام پر آتی ہے، جہاں یہ پاکستان کے منفرد تاریخی ورثے کی ایک نادر یادگار کے طور پر نمایاں ہوتی ہے۔1872میں تعمیر ہونیوالی یہ 153سالہ قدیم مسجد، جسے عام طور پر راجوں کی مسجد کہا جاتا ہے، کبھی پرانے خان پور شہر کے مرکز میں واقع تھی، 1970کی دہائی کے آخر میں خان پور ڈیم کی تعمیر کے بعد پورا قدیم شہر زیرِ آب آ گیا، جس کے باعث مکینوں کو نقل مکانی کرنا پڑی، جبکہ مسجد اور اس کے قریب واقع شاہی محل پانی میں ڈوب گئے۔ یہ شاہی محل راجہ جہانداد خان نے تعمیر کروایا تھا، جو سابق وزیراعلی سرحد (موجودہ خیبر پختونخوا) راجہ سکندر زمان خان کے دادا تھے۔
