فیصل آباد(سٹاف رپورٹر) تاریخ انسانیت میں تمام مخلوقات کو سب سے زیادہ تحفظ اسلام نے دیا ۔ اسلام نے معاشرتی امن و امان کو بنیادی ضرورت قرار دیا ہے ۔ اسلا م انسانیت کو پرقار اور باہمی محبت سے زندگی گزارنے کے اصول بتاتا ہے۔ان خیالات کااظہار پاکستا ن سنی تحریک کے ڈویژ نل صدر و ممبر ضلعی امن کمیٹی پروفیسر پیر میاں محمد آصف رضا قادری نے پی ایس ٹی NA-100 کے زیراہتمام”ماہانہ درس قرآن و گیارہویں شریف”کی تقریب سے خطاب کرتے ہوئے کیا۔ انہوں نے کہا کہ ہر مسلمان کو قرآن کریم سے اپنا مضبوط تعلق جوڑنا چاہیے۔قرآن کریم میں حق و باطل میں امتیاز کرنے کے روشن دلال موجود ہیں۔ انفرادی طور پر ہر مسلمان کو اسلام کے پیغام کو سمجھنے اور اس پر عمل پیرا ہونیکی ضرورت ہے۔
