کراچی (شوبز نیوز) نئے سال 2026 کے آغاز پر یہ خبر سامنے آئی ہے کہ پاکستانی سپر اسٹار ہمایوں سعید کو حال ہی میں بھارتی فلم انڈسٹری کی تجربہ کار اداکارہ نیتو سنگھ کے ساتھ دیکھا گیا،سوشل میڈیا پر ملاقات کی تصاویر بھی گردش کررہی ہیں۔ اطلاعات کے مطابق یہ ملاقات کسی سماجی یا پیشہ ورانہ موقع پر ہوئی، تاہم اس کی تفصیلات خفیہ رکھی گئی ہیں، مداحوں اور تفریحی مبصرین نے اس ملاقات کے پس منظر کے بارے میں قیاس آرائیاں شروع کر دیں کہ جنوبی ایشیا کی تفریحی صنعت میں سرحد پار تعاون کی دلچسپی بڑھ رہی ہے۔نیتو سنگھ بھارتی سینما کی ایک لیجنڈری شخصیت ہیں اور بالی ووڈ کے معروف اداکار رنبیر کپور کی والدہ ہیں، جس کی وجہ سے یہ ملاقات خاص اہمیت رکھتی ہے۔ہمایوں سعید، جو پاکستان کے سب سے مثر اور امیر اداکاروں میں شمار ہوتے ہیں، نے اپنی بین الاقوامی شہرت نیٹ فلکس کی سیریز The Crown اور مقامی باکس آفس ہٹ جیسے 2025 کی فلم Love Guru کے ذریعے حاصل کی ہے۔
