فیصل آباد(سٹاف رپورٹر) سابق رکن قومی اسمبلی اورمسلم لیگ ن ٹریڈرزونگ کے مرکزی صدر میاں عبدالمنان نے کہاہے کہ پی ٹی آئی 5اگست کوبھی کچھ نہیں کرے گی پوری قوم 14اگست کو آ پریشن بنیا ن المرصوص اور معرکہ حق کی کامیابی کا جشن منائیگی۔عوام کیجزبہ قربانی اورافواج پاکستان کی جرآت و بہادری کو خراج تحسین پیش کرنے کی ضرورت ہے-ان کاکہنا تھا کہ پی ٹی آئی اپنے بانی کی رہائی کے لیے سڑکوں پرتماشہ لگانا چاہتی ہے مگر9مئی کے واقعات میں ملنے والی سزا کے فیصلے بعدکوئی باہرنہیں نکلے گا-9 مئی کے تمام ملزمان کیفر کردار تک پہنچیں گے جس کے بعد نا اہل ہونے والے ارکان اسمبلی کی نشستوں پر ضمنی الیکشن بھی ہوگاجس میں مسلم لیگ ن کے امیدوار کامیاب ہوں گے-انہوں نے کہاکہ بانی کی مقبولیت اور قبولیت کا وقت ختم ہوگیاہے ان کی خواہش کانظام عدل اور سہولت کارنہیں رہے
