طلبہ کے لیے خوشخبری

لندن(مانیٹرنگ ڈیسک) برطانیہ میں تعلیم حاصل کرنے کے خواہشمند پاکستانی طلبا کے لیے خوشخبری، شیوننگ اسکالرشپ کے لیے درخواستیں جمع کرانے کا عمل جاری ہے، جو مکمل فنڈڈ تعلیم کا سنہری موقع فراہم کرتا ہے۔ برطانوی حکومت کا بین الاقوامی اسکالر شپ پروگرام “شیوننگ ایک بار پھر دنیا بھر سے ذہین اور باصلاحیت طلبا کو برطانیہ میں اسکالر شپ کے تحت مفت تعلیم حاصل کرنے کا سنہری موقع فراہم کر رہا ہے۔شیوننگ اسکالر شپ کے لیے دوسالہ تجربہ رکھنے والے مڈکیریئر پروفیشنلز درخواست دینے کے اہل ہوں گے، طلبہ کو ٹیوشن فیس، ویزہ، رہائش اور ماہانہ الانس فراہم کیا جائے گا۔درخواستیں 7اکتوبر تک جمع کرائی جاسکتی ہیں، برطانوی ہائی کمشنرجین میریٹ کہتی ہیں کہ شیوننگ مستقبل کے لیڈرز کے لیے لانچ پیڈ ہے۔خیال رہے کہ یہ پروگرام دنیا بھر میں نوجوان قیادت کو فروغ دینے کے لیے برطانوی حکومت کا ایک نمایاں اقدام سمجھا جاتا ہے۔طلبہ کو یہ سہولت برطانوی وزارتِ خارجہ، دولتِ مشترکہ اور ترقیاتی امور اور متعدد شراکت دار اداروں کی مالی معاونت سے دی جاتی ہے، جس کا مقصد دنیا بھر کے ممتاز طلبا کو اعلی تعلیم کے لیے برطانیہ لانا ہے۔ شیوننگ اسکالر شپ کے لیے تمام درخواستیں صرف آن لائن اپلیکیشن سسٹم کے ذریعے دی جا سکتی ہیں، جس کے لیے مندرجہ ذیل دستاویزات کی ضرورت ہوگی۔شیوننگ کی اہلیت کے معیار پر پورا اترنا۔ ایک موثر اور متاثر کن درخواست لکھنے کی صلاحیت۔ فعال ای میل ایڈریس اور فون نمبر۔ آن لائن اپلیکیشن سسٹم کا منفرد ایکسیس کوڈ۔ یہ ہر مرحلے پر درکار ہوگاایپلی کیشن کے مختلف مراحل کے شیڈول پر نظر رکھنے کے لیے شیوننگ کی آفیشل ویب سائٹ بک مارک کر لیں۔