PTI پر پابندی کی قرارداد منظور

لاہور (بیوروچیف) پنجاب اسمبلی نے پی ٹی آئی پر پابندی لگانے کی قراردادمنظورکر لی۔ قراردادمسلم لیگ ن کے نومنتخب ایم پی اے میاںطاہر جمیل کی جانب سے ایوان میں پیش کی گئی۔جس کو بھاری اکثریت سے منظور کرلیا گیا۔قرارداد میں کہا گیا ہے کہ پاکستان کی سالمیت استحکام کے خلاف کام کرنے والی پارٹی اور پاکستان کی ہر محاذ پر حفاظت کرنے والے اداروں کے خلاف کام کرنے والی پارٹی، ملک کے خلاف بیان بازی کرنے، انتشار پھیلانے اور پاکستان کے مخالف دشمن ملک کی آلہ کار پارٹی اور اس کے بانی اور لیڈر پر پابندی لگائی جائے۔ جو لیڈر، خواہ ان کا تعلق کسی بھی سیاسی اور غیر سیاسی پارٹی سے ہو، وہ ملک کے خلاف کام کرنے میں ملوث ہیں تو ان کے خلاف ملکی قانون کے مطابق کارروائی کی جائے اور ان کو قرار واقعی سزا دی جائے۔