فیصل آباد پریس کلب کا الیکشن12فروری کو ہوگا

فیصل آباد (سٹاف رپورٹر) فیصل آباد پریس کلب کے سالانہ انتخابات برائے سال 2026کے لئے الیکشن کمیشن کے چیئر مین میاں بشیر احمد اعجاز نے الیکشن شیڈول کا اعلان کر دیا ہے تفصیلا ت کے مطابق گزشتہ روز چیئرمین الیکشن کمیشن میاں بشیر احمد اعجاز کی زیرصدارت اجلاس منعقد ہو ا جس میں الیکشن کمیشن کے ممبران ،شاہد نسیم چوہدری ،قمر عباس قمر، ندیم راجپوت ،مسعودد احمد بھٹہ ،محمد یونس رانا عدنان سروربھی موجود تھے جنہوں نے فیصل آبا د پر یس کلب کے سالانہ انتخابات 2026کے الیکشن شیڈول کی منظوری دی الیکشن کا دورانیہ 1 سال کا ہوگا جس کے مطابق امیدواران کا غذات نامزدگی30جنوری2026 سے یکم فروری 2026صبح دس بجے سے شام چار بجے تک پریس کلب میں الیکشن کمیشن دفتر سے حاصل کر کے جمع کرا سکیں گے۔ الیکشن میں حصہ لینے والے عہدیداران کیلئے فیس4000 روپے ہوگی جبکہ ایگز یکٹو باڈی کے امیدواران کیلئے فیس2500روپے ہو گی جو کہ نا قابل واپسی ہو گی۔2 فروری 2026شام چار بجے کا غذات جمع کروانے والے امیدواران کی غیر حتمی فہرست پریس کلب میں آویزاں کر دی جائیگی۔ جس پر اعتراضات 3فروری 2026شام4چار بجے تک وصول کئے جائیں گے اعتراضا ت پر سماعت کے بعد الیکشن کمیشن 4فروری 2026کوہی شام 4بجے تک امیدواروں کی فہرست جاری کرے گی اسی روز شام 5 بجے تک امیدوار کا غذات نامزدگی واپس لے سکیں گے 05فروری2026 شام 4بجے تک امیدواروں کی حتمی فہرست جاری کر دی جائے گی الیکشن میں حصہ لینے والے امیدواران کو اپنی سالانہ فیس ادائیگی کی رسید الیکشن کمیشن کو فراہم کرنی ہو گی جبکہ ووٹر کو بھی اپنا ووٹ ڈالنے سے قبل کلب کی سالانہ فیس بھی جمع کروانی ضروری ہو گی الیکشن شیڈول کے مطابق پولنگ12فروری 2026بروزجمعرات صبح 9بجے سے لیکر شام پانچ بجے تک پریس کلب میں ہو گی ۔معزز کونسل و ایسوسی ایٹ ممبران فیصل آبادپریس کلب کو مطلع کیا جاتا ہے کہ الیکشن کمیشن کے فیصلہ کے مطابق تمام ممبران5فروری 2026تک اپنی سالانہ فیس پریس کلب کونسل ممبران مبلغ300روپے فی کس کے حساب سے آفس سپرنٹنڈنٹ محمد عقیل احمدرابطہ نمبر (0303-8500411) کے پا س بوقت 10بجے سے لے کر 3بجے تک پر یس کلب میں جمع کرواکر رسید حاصل کریں ۔ فیس نہ جمع کروانے والے ممبران اپنا ووٹ کاسٹ نہیں کر سکیں گے۔