محکمہ خزانہ کی پیرافورس پر نوازشات،لاکھوں روپے الاؤنس کا اعلان

لاہور (بیوروچیف) پیرافورس پرمحکمہ خزانہ کی نوازشات’لاکھوں روپے اسپیشل الانس دیا جائے گا، محکمہ خزانہ نے نوٹیفکیشن جاری کردیا۔پیرا فورس کے گریڈ سات سے گریڈ بیس تک کے افسران کو خصوصی الائونس دیا جائیگا جس کی ڈی جی پیرا کی سفارشات پرکابینہ نے منظوری دی ۔ پیرا افسران کو ایک لاکھ 50ہزارسے لیکر 20ہزار روپے تک کا خصوصی الائونس دیا جائیگا۔ نوٹیفکیشن کے مطابق گریڈ بیس کے افسر کو خصوصی الائونس کی مد میں ایک لاکھ 50ہزار روپے دیئے جائیں گے۔ گریڈ 19کے افسر کوخصوصی الائونس کی مد میں ایک لاکھ 25ہزار روپے دیئے جائیں گے۔ گریڈ 18کے افسر کو خصوصی الائونس کی مد میں ایک لاکھ ،گریڈ 17کے افسر کو 75ہزار، گریڈ 16اوردیگرگریڈ کے افسروں کوبھی خصوصی الائونس دیاجائے گا۔