کیلیفورنیا (مانیٹرنگ ڈیسک) فیس بک نے صارفین کی اصل شناخت کی تصدیق کے لیے فیس بک ویریفائیڈ فیچر متعارف کرانے کا اعلان کیا ہے۔اس فیچر کے تحت صارفین اب مختصر ویڈیو سیلفی کے ذریعے اپنی شناخت کی تصدیق کرا سکیں گے، کمپنی کے مطابق یہ سہولت مرحلہ وار مختلف ممالک میں فراہم کی جا رہی ہے۔کمپنی نے کہا ہم فیس بک ویریفائیڈ لانچ کر رہے ہیں، یہ ایک مفت بیج ہے جو ایک آسان سیلفی پر مبنی تصدیقی عمل کے ذریعے یہ ثابت کرتا ہے کہ پروفائل کے پیچھے ایک حقیقی شخص موجود ہے۔یہ بیج فیس بک پر ان تمام اہم جگہوں پر نظر آئے گا جہاں اس کی سب سے زیادہ ضرورت ہے، اور اس کے لیے کوئی سبسکرپشن فیس نہیں لی جائے گی۔ہر روز اربوں لوگ فیس بک کو حقیقی لوگوں کے درمیان حقیقی روابط کے لیے استعمال کرتے ہیں، کمپنی کا کہنا ہے کہ چوں کہ اے آئی کے ذریعے مواد، پروفائل اور میسجز بنانا آسان ہو گیا ہے، اس لیے صارفین کو یہ جاننے کا ایک ذریعہ فراہم کیا جا رہا ہے کہ پروفائل کے دوسری جانب واقعی ایک حقیقی شخص موجود ہے۔فیس بک ویریفائیڈ سیلفی پر مبنی ایک آسان عمل ہے، صارف ایک مختصر ویڈیو سیلفی ریکارڈ کرے گا، جسے پروفائل تصاویر سے ملا کر مطابقت کی تصدیق کی جائے گی، یہ عمل مفت ہے اور عام طور پر صرف چند منٹ لیتا ہے۔فیس بک ویریفائیڈ ان اہل فیس بک صارفین کے لیے دستیاب ہے جن کی عمر 18 سال یا اس سے زائد ہو۔
