گوجرہ(نامہ نگار)ڈاکوئوں نے گن پوائنٹ پر راہ گیروںسے مال وزر چھین لیاجبکہ چوروں نے موٹر سائیکلیں چوری کرلیں۔معلوم ہواہے کہ چک نمبر423ج ب کے محمد ناصرسے ڈاکوئوں نے موٹر سائیکل نمبر5239ایف ڈی او اور ہزار وں روپے نقدی ۔ چک نمبر437ج ب کے المان خان سے موٹر سائیکل ۔چک نمبر 424 ج ب کے شہباز مسیح وغیرہ سے موٹر سائیکل رکشہ پر سوارجاتے ہوئے ڈاکوئوں نے جان سے مار دینے کی دھمکی دے کر ان سے40ہزارروپے نقدی وقیمتی طلائی بالیاں چک نمبر163گ ب کے محمد شاہد سے ٹوبہ روڈ پر ڈاکوئوں نے روک کر7ہزارروپے نقدی اورقیمتی طلائی ٹاپس چھین لیے۔چک نمبر424ج ب کے محمد اکرام کی موٹر سائیکل چوروں نے اس کی حویلی سے۔چک نمبر91ج ب کے صائم مشتاق کی موٹر سائیکل نمبر6891ایف ڈی وائی گھر کے باہر سے۔ عبداللہ پور کالونی کے کاشف کی موٹر سائیکل 507ایل ای کیواس کے گھر کے باہرسے ۔ چک نمبر426ج ب کے محمد حسین کی موٹر سائیکل نمبر 9322اے ایف یو چک نمبر427ج ب جنازہ گاہ کے باہرسے چوری کر لیں اور فرارہو گئے۔چک نمبر99ج ب کے محمدسرورکے بیٹے کی شادی کے موقع پر نامعلوم چور نے میرج ہال میں جیب سے1لاکھ50ہزارروپے چوری کر لئے۔ چک نمبر363ج ب شفیق کے گھر میں نامعلوم چور داخل ہو کر35ہزارروپے نقدی ودیگر سامان پارچات وغیرہ چوری کر کے فرارہو گئے۔وارداتوں کی اطلاع صدروتھانہ سٹی پولیس گوجرہ کو دے دی گئی ہے۔
