لاہور (شوبز نیوز)شوبز انڈسٹری کی معروف اداکارہ ہانیہ عامر کی گلوکار عاصم اظہر کے گانے آرزو پر پرفارم کرنے کی ویڈیو وائرل ہوگئی۔معروف گلوکار عاصم اظہر نے حال ہی میں اپنا نیا گانا آرزو ریلیز کیا جو انہوں نے خان، مادھورکسو اور نور کے ساتھ مل کر گنگنایا ہے۔گزشتہ دنوں آرزو سوشل میڈیا پر ٹرینڈ بھی کررہا تھا۔تاہم گلوکار نے انسٹاگرام پر ویڈیو شیئر کی جس پر صارفین کی جانب سے یہ خیال کیا جارہا تھا گانے کی لائن پھر سے بولو میں ہانیہ عامر کی آواز شامل ہے۔اداکارہ سے مداحوں نے بھی سوال بھی کیا لیکن انہوں نے اس کا جواب نہیں دیا۔تاہم اب ہانیہ عامر انسٹاگرام پر عاصم اظہر کے گانے آرزو پر پرفارم کرنے کی ویڈیو شیئر کی ہے جس میں انہیں گانے کے بول پر لپسنگ کرتے بھی دیکھا جاسکتا ہے۔انہوں نے گزشتہ روز یہ ویڈیو شیئر کی ہے جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
