پارلیمنٹ کا دفاع میری ذمہ داریوں میں شامل ہے،ایاز صادق

اسلام آباد (بیوروچیف)اسپیکر قومی اسمبلی سردار ایاز صادق نے کہا ہے کہ ریاست اور پالیمان کے خلاف باتیں کرنا غیر مناسب ہے۔قومی اسمبلی میں دیے گئے بیان میں اسپیکر ایاز صادق نے کہا کہ گزشتہ روز اس ہائوس کے ایک رکن نے ایسی بات کی، جس کا تذکرہ کرنا ضروری ہے۔انہوں نے کہا کہ پہلے اپوزیشن لابی میں یہ کہا گیا کہ ہم اسپیکر چیئر تک جائیں گے، پھر کہا گیا کہ ہم پبلک کو استعمال کرکے قومی اسمبلی اور سینیٹ نہیں چلنے دیں گے۔اسپیکر قومی اسمبلی نے کہا کہ 2014ء میں بھی ہم نے اس کا مقابلہ کیا تھا، اب بھی تیار ہیں، پارلیمنٹ کا دفاع کرنا میری ذمے داریوں میں شامل ہے۔