سکول سربراہان چارج الاؤنس کے حصول کیلئے خوار

لاہور(بیوروچیف) ٹیسٹ پاس کرنے کے بعد تعینات 1ہزار 84 ہیڈز کو چارج الانس نہ ملنے کا انکشاف,سکول سربراہان چارج الاؤنس کے حصول کیلئے خوار ہونے لگے۔صوبہ بھر میں ٹیسٹ پاس کرنے کے بعد تعینات 1084ہیڈز کو چارج الانس نہ ملنے کا انکشاف ہواہے۔ چارج الانس کی مد میں سکول سربراہان کو 1200 روپے ماہانہ الانس دیا جانا تھا۔ ہیڈز کو 4 ماہ گزر نے کے باوجود چارج سنبھالنے کے باوجود الانس ادا نہیں کیا جارہا۔ لاہور میں میرٹ بیسڈ ٹیسٹ پاس کرنے پر 135ہیڈز تعینات کیے گئے تھے۔ مذکورہ ہیڈز سے چھٹیوں کا کنوینس الانس بھی کاٹ لیا گیا۔سکول سربراہان کا کہنا ہے اے جی آفس کی جانب سے ہمیں ہیڈ تصور نہیں کیا جارہا۔ صوبائی وزیر تعلیم رانا سکندر حیات معاملے کا نوٹس لیں۔