چنیوٹ پولیس کا منشیات فروشوں کے گرد گھیرا تنگ،15گرفتار

چنیوٹ(نامہ نگار)وزیر اعلی پنجاب محترمہ مریم نواز شریف کے ویژن ”ڈرگ فری پنجاب” کے تحت منشیات فروشوں کیخلاف کریک ڈان جا ر ی ہے۔ پولیس نے مختلف علاقوں سے15 منشیات فروش ملزمان کو گرفتار کر لیا۔ گرفتار ملزمان کے قبضہ سے 10کلو گرام سے زائد چرس،7 کلو ہیروئن اور 200لیٹر سے زائد شراب برآمد ہوئی ۔ گرفتار ملزمان کیخلاف تھانہ سٹی، تھانہ صدر، تھانہ رجوعہ، کوٹ وساوا ، تھانہ بھوانہ، تھانہ چناب نگر، لالیاں اور تھانہ محمد والا میں منشیات کی دفعا ت کے تحت مقدمات درج ہو چکے ہیں اور مزید تفتیش کا عمل جاری ہے۔ اس حوا لے ڈسٹرکٹ پولیس آفیسر ڈاکٹر نوید عاطف کا کہنا تھا کہ اپنی نسلوں کو منشیات کی لعنت سے بچانے کیلئے ضلع بھر عملی اقدامات کیے جا رہے ہیں۔ ضلع بھر میں سپیشل مہم کے تحت منشیات فروشوں کیخلاف کریک ڈان جاری ہے۔ منشیات کے مقدمات کی معیاری تفتیش کو یقینی بناتے ہوئے ملزمان کو سزائیں دلوائی جا رہی ہیں۔ ان کا مزید کہنا تھا کہ منشیات کے مکمل خاتمہ کے لیے عوامی تعاون بے حد ضروری ہے۔ آپ کے علاقہ میں منشیات فروشی کی صورت میں میرے نمبر 03237543444پر اطلاع دیں۔