ہری پور (شوبز نیوز)شوبز انڈسٹری کی معروف اداکارہ مریم نفیس خواتین کے خلاف بڑھتے ہوئے مظالم کا ذکر کرتے ہوئے آبدیدہ ہو گئیں۔ خیبرپختونخوا کے شہر ہری پور سے چند روز قبل پانچ سالہ آیت نور لاپتہ ہو گئی تھیں، پولیس کے مطابق اس کے اغوا کے سلسلے میں متعدد مشتبہ افراد کی نشاندہی کی گئی تھی، اور تین کو گرفتار کیا گیا تھا، ملزمان نے مبینہ طور پر بچے کو جنسی زیادتی کا نشانہ بنانے اور بعد ازاں اس کی لاش کو ٹھکانے لگانے کا اعتراف کیا۔ کمسن بچی کی لاش یونیورسٹی روڈ پر واقع ایک گودام کے کنویں سے برآمد ہوئی جب وہ تقریبا 15 دنوں سے لاپتہ تھی۔اس افسوسناک واقعے نے بڑے پیمانے پر غم و غصے کو جنم دیا اور بہت سے لوگوں نے خواتین اور بچوں کے خلاف بڑھتے ہوئے جنسی تشدد کے واقعات پر سوال اٹھائے ہیں اور قصورواروں کے خلاف سخت کارروائی کا مطالبہ کیا ہے۔
